Robin Padilla, Naiƴak Dahil Sa Ginawa Ni Daniel Padilla Kaƴ Mommƴ Eva

Muli na namang pinahanga ng aktor na si Daniel Padilla ang kaniyang mga fans at followers dahil sa kaniyang pagiging maingat at maasikaso sa kaniyang mga mahal sa buhay. Alam na alam din talaga ni Daniel kung paano itrato ng tama ang mga kababaihan.

Kung tatanungin siya sa mga babae sa kaniyang buhay, ito ay ang kaniyang ina na si Karla Estrada, mga kapatid, kasintahan na si Kathryn Bernardo, at syempre ang kaniyang Lola Eva.

Hindi naman lingid sa kaalaman nating lahat kung gaano ka-gentleman si Daniel, lalo na sa kaniyang mga mahal sa buhay. Ang maiksing video na ito na kumakalat sa social media ay isa lamang sa mga patunay ng pagiging maasikaso, maalaga, at maalalahanin ni Daniel.

Sa Instagram, ibinahagi ni Robin Padilla ang isang maiksing video kung saan makikita ang kaniyang ina na si Eva Carino na inaalalayan ni Daniel.

Kahit pa man ito ay normal na gawain na ni Daniel sa kaniyang lola, napukaw pa din nito ang atensyon ng kaniyang mga fans at followers.

Ang nasabing video ay kuha sa 40th day ng pagkas4wi ni Royette Padilla. Nagkaroon ng party ang Padilla family sa kanilang Museo de Padilla at ginunita ang ika-40 araw na pagp4naw ng kanilang minamahal na Royette.

Si Royette ay isa sa mga Padilla Brothers – Royette, Rommel, Robin, at Rustom (BB Gandanghari).

Sa caption ng post, ang action star ay mayroon ding mensahe para sa kaniyang kapatid.

Saad niya sa caption,

“Ang Pamilya ng de Padilla. Kuya Royet Pumaroon ka man sa kabilangbuhay naipasa mo pa rin sa mga anak mo at pamangkin mo ang pag aalaga at pagmamahal sa ating mahal na ina.”

Ang tinutukoy ni Robin ay ang pagpapakita ni Daniel ng pagmamahal at pag-aalaga sa kaniyang Lola Eva.

Inalalayan niya ang kaniyang Lola Eva mula sa paglalakad hanggang sa pag-akyat sa hagdanan.

Samantala, muli na namang hinangaan si Daniel ng kaniyang mga fans dahil sa pagiging gentleman nito.