Scottie Thompson ‘Pau’ umano ang binanggit sa kasal nila ni Jinky Serrano ayon sa mga netizens

Mukhang nagkaroon ng ibang meaning ang pagbigkas ng wedding vows ni Scottie Thompson sa kasal nila ni Jinky Serrano.

Noong December 16, 2021, ginanap ang second wedding nina Scottie at Jinky. Idinaos ito sa Pearl Farm Beach Resort sa Davao del Norte.

Naibahagi na nga ng Nice Print Photography ang official wedding video ng mag-asawa. Kung saan makikita na naging emosyonal ang dalawa sa palitan ng kanilang wedding vows.

Ibinunyag doon ni Jinky na sa pangatlong beses na pagkikita nila ni Scottie ay inaya na siya nitong magpakasal agad.

Para sa part naman ni Scottie ay ipinahayag niya ang mga pangako niya para sa magandang pagsasama nila ng kanyang misis.

Aniya, “Gusto ko lang sabihin sa ‘yo na nakapaganda mo ngayong araw. Kahit anong mangyari, nandito na ako para sa ‘yo.”

“I will be your best friend forever, I will be the best father sa mga future kids natin. Hindi ako perfect pero I’ll give my perfect effort para maging best para sa ‘yo.”

Ngunit imbes na ang magagandang salita ang mapansin ng mga netizens, may isang part ng video ang tila nagulantang ang lahat.

Pagkakarinig diumano ng marami ay tila ‘Pau’ ang binanggit ni Scottie, which is pangalan ng kanyang ex-girlfriend.

Ayon sa madla malinaw na malinaw umano ang pagkakarinig nila at ‘Pau’ daw talaga ang binanggit ng basketbolista.

Matatandaan na naging kontrobersyal ang paghihiwalay nina Pau at Scottie. Nagulat ang lahat dahil kasal na ito kay Jinky gayuung kay Pau siya nagpropose noong January 1 2020.